Pas shkarkimit të Armand Shkullakut si drejtor informacioni në ABC News, ka reaguar edhe gazetari Agim Xhafka.
Përmes notave të forta të ironisë, ai i bën një thirrje të veçantë kryeministrit Edi Rama që, sipas tij, ka marrë në dorë edhe mediat.
Në një postim të tijin në Facebook, Xhafkja shkruan ndër të tjera: “Moj qeveri,që të keni sukses mos pushoni gazetarët. Pushoni popullin. Ai nuk ua var,nuk u beson. As me CNN nuk e mashtruat dot”.
Postimi i plotë i Agim Xhafkës:
“Tē isha si Frangaj do e mbaja Shkullakun në postin e drejtorit. Se tashmë populli e di që televizionet janë vegla të Ramës. Lavdëro p.sh. në ekran Taulantin sa të duash prapë shikuesit do thonë:
-Doli ky koqja e kandarit! Ndaj,moj qeveri,që të keni sukses mos pushoni gazetarët. Pushoni popullin. Ai nuk ua var,nuk u beson. As me CNN nuk e mashtruat dot.
Tv-të sot janë si budallai Petro,që bërtet fort, hani sa më shumë mut, o njerëz, se muti shëron kancerin! Po a keni parë ndonjë që me lugë të shkojë vrap në WC? Jo. Njësoj dhe me televizionet. Nuk ua var kush. Ndaj me Shkullak, pa Shkullak ato janë krejt cullak”.
Armand Shkullaku u shkarkua para dy ditësh nga posti i drejtorit në ABC News si pasojë e ndryshimit të linjës editoriale të televizionit në fjalë. (A.R/SHUPLAKA)
