Tri ekipe të Serisë A pas talentit shqiptar të Breshias, Emanuele Ndoj

Emanuele Ndoj me paraqitjet e tij pozitive me fanellën e Breshias ka tërhequr vëmendjen e disa ekipeve në Serinë A gjatë kësaj merkatoje.

Pas Sasuolos pak muaj më parë, mediat italiane shkruajnë se mesfushori i Kombëtares së moshave U-19 është pëlqyer nga Kievo, Bolonja dhe Atalanta.

“TuttoMercatoweb.com” tregon se klubi i Kievos ka shfaqur interes për shërbimet e shqiptarit, të cilët dëshirojnë ta kenë në ekip.

20-vjeçari ka dalë nga akademia e Romës ndërsa verën e kaluar “Dallëndyshet” e blenë për 1.2 milionë euro dhe palët lidhën kontratë deri në qershor 2020.