Gazetari serb vë në siklet Haradinajn, ”a ke vrarë dikë në luftë?”, si përgjigjet kryeministri

Kryeministri i Kosovës, Ramush Haradinaj, ka dhënë një intervistë për televizionin serb “Happy”, ku mes të tjerave i është përgjigjur dhe një pyetjeje të sikletshme.

Gazetari serb i ka shtruar një pyetje të drejtpërdrejtë lidhur me periudhën e luftës, duke e pyetur Haradinajn nëse kishte vrarë dike në luftë?

“Nuk e di, ndoshta. Lufta është luftë. E kam veshur uniformën i vetëdijshëm për pasojat. Kam humbur dy vëllezër në uniformë. Njësoj gjykon edhe një ushtar serb kur shkon në luftë. Nëse nuk mund ta përballoni këtë, atëherë mos hyni në konflikt”, tha Haradinaj.

Kryeministri i Kosovës ka thënë se dy herë është përballur me procese gjyqësore në Tribunlin e Hagës dhe ia ka dalë të triumfojë duke dëshmuar pafajësinë dhe pastërtinë e luftës që ka bërë.

(E.K/FAXWEB.AL)