Gazetari Elio Laze dhe njëkohësisht aktivist i Lëvizjes Socialiste për Integrim sulmon sot deputetin socialist Erion Braçe. Braçe ka reaguar ashpër ndaj drejtuesve të institucioneve që kanë lidhje me dhënien e pagesave të KEMP-it dhe vaksinat kundër dermatozës nodulare që tashmë ka kapur një pjesë të kafshëve në Shqipëri dhe ministria e Bujqësisë drejtohet nga ministri i LSI-së, Edmond Panariti. ”Duhet arrestim”, ka deklaruar Braçe, mirëpo sot flakë për flakë i përgjigjet Laze.
”E disata herë që ky hormonal nga fiziku por siç duket edhe nga mendja bën deklarata “bombastike”. Të mbështes Erjon. Jam dakord me ty. Le të fillojnë arrestimet. Ta fillojmë me Ilir Beqën psh. Për shkak të dështimit në sistemin shëndetësor. Për shkak se dhjetëra pacientë humbën jetën sepse nuk ka medikamente nëpër spitale. Të arrestohet Beqja për shkak të koncensioneve pafund qe ka dhënë e vijon të japë”, i kundërpërgjigjet Laze Braçes.
Më tej gazetari kërkon arrestimin e Gjiknurit, Nikollës dhe Tahirit duke e mbyllur me Edi Ramën dhe atë vetë.
”Të arrestohet Damian Gjiknuri për shkak se vjedh si kafshë dhe këtë të gjithë e dinë. Të arrestohet Lindita Nikolla për shkak se i ka shkaktuar mijëra maturantëve trauma me pseudoreformën e vet në arsim.
Të arrestohet Sajmir Tahiri për shkak se vendi është në pushtetin e kanabisit. Të arrestohet Edi Rama për shkak se ka mashtruar publikisht me premtimet.
Duhesh arrestuar dhe ti Braçe për shkakun e tenderave në Bashkinë e Divjakës, e di mirë ti për çfarë po flas. Pastaj duhen arrestuar me rradhë dhe ata që ju votuan ju, se janë bashkëpunëtorë për gjendjen ku jemi. P.S Suksese në jetë”, përfundon Laze.
Discussion about this post