Gazetarja Lindita Çela ka ngritur shqetësimin për shtrembërimin e historisë nga ana e grekëve. Ajo tregon se mbesa që po mëson historinë greke, i ka rrëfyer se në tekstin që po përdor thuhet se suliotët janë turq, çka sipas gazetares cënon historinë tonë.
“Sikur ka një marrëveshje për tekstet e historisë. Grekët bëjnë namin nëse flitet për Shqipërinë e madhe por ama askush nuk flet për faktin se mijëra shqiptarë mësohen me faktin se suliotët janë turq dhe Ali Pashë Tepelena grek.”, shkruan Çela.
Risjellim në vëmendje lajmin e përfolur të pak ditëve më parë, atë të arrestimit në Greqi të dy shoferëve të Ministrisë së Jashtme. Dy shoferët, Altin Tafa dhe Agim Asllani, u akuzuan për shpërndarje të materialeve propagandistike. Mediat greke shkruajtën se dy shqiptarët transportonin harta të “Shqipërisë së Madhe”.
