Ditën e sotme u raportua në media se Drejtuesja e Prokurorisë së Tiranës, Elisabeta Imeraj i ka drejtuar një kërkesë gjykatës, ku kërkon divorcin nga bashkëshorti Agron Bajri.
Në kërkesë padinë që Elisabeta Imeraj i ka drejtuar Gjykatës, për zgjidhjen e martesës thuhet se “Para pak ditësh kam rënë në dijeni të një rrethane e cila e ka thyer plotësisht besimin tim tek i padituri, duke u bërë kështu shkak që unë të kërkoj zgjidhjen e martesës.”
Më tej, në dokumentin e mëposhtëm, Imeraj sqaron se “Fakti se bashkëshorti më ka fshehur një rrethanë të tillë që ka të bëjë me faktin se ka patur një konflikt verbal dhe fizik me Znj. Genta Bungo, kjo rrethanë rezulton thelbësore për jetën time profesionale dhe karrierën”.
Padia është regjistruar në Gjykatën e Shkallës së Parë të Tiranës, me datë 24.10.2019, ndërsa gjyqtare e çështjes është Arjana Liço.
Ndërkohë, ajo që ka rëndësi të veçantë në këtë çështje ka të bëjë me faktin se Imeraj është njohur me ngjarjen së fundmi cka ka çuar dhe drejt zgjidhjes së martesës, por Genta Bungo, anëtare e një Komisioni i cili i jep fund ose udhë karrieres se prokurores nuk e ka deklaruar këtë konflikt të paster interesi me subjektin në vleresim.
Në kërkesën për zgjidhje martese Imeraj sqaron se:
“Zonja Genta Bungo është anëtare e trupës gjykuese që shqyrton procesin tim të rivlerësimit, dhe shumë detaje të këtij procesi, në mënyrë të çuditshme kam vënë re se lidhen vetëm me bashkëshortin tim.”
Bungo, (me të cilen është konfliktuar dhe bashkeshorti i prokurores Imeraj mësohet se nuk e ka deklaruar konfliktin e interesit me prokuroren Imeraj dhe bashkëshortin e saj dhe kjo përbën shkelje pasi në raste gjykimi deklarimi i një precedenti të tillë është detyrim ligjor.
Discussion about this post