Gjendet një kufomë e dekompozuar në fshatin Dragoç të Postrribës në Shkodër. Viktima është e seksit mashkull dhe është gjetur i dekompozuar në një kanal. Burime nga vendngjarja bëjnë me dije se kufoma i përket një mashkulli, 61- vjeç.
Kufoma është gjetur nga kalimtarët në një kanal të cilët kanë njoftuar menjëherë policinë. Nuk dihet ende sa kohë ka personi i gjetur në kanal që ka humbur jetën. Policia në vendngjarje ka nisur hetimet, ndërsa pritet ekspertiza mjeko-ligjore për të përcaktuar shkaqet dhe motivet e vdekjes.
Njoftimi i Policisë:
Më datë 12.02.2017, rreth orës 15.35, njoftohemi se në fshatin Dragoç, Njësia Administrative Postrribë, Shkodër, në një kanal vaditës është konstatuar në ujë një trup i pajetë.
Menjëherë në vendngjarje kanë mbërritur shërbimet e policisë të cilët kanë konstatuar se trupi i përkiste shtetasit Gjergj Bari 61 vjeç, lindur në Theth, Shkodër dhe banues në Bathore, Tiranë.
Nga veprimet paraprake të kryera në trupin e viktimës nuk u konstatuan shenja dhune. Shkaku paraprak i vdekjes dyshohet se është mbytja në ujë në kanalin vaditës. Në vendngjarje ndodhet grupi hetimor i cili po punon për sqarimin e rrethanave të ngjarjes.
(J.V/Shuplaka)
Discussion about this post