Ceremonia e Grammy-t do të bojkotohet nga disa figura shumë të njohura botërore. Ky padyshim është çmimi më prestigjoz dhe që një muzikant ëndërron që ta arrijë, por tashmë Grammy-t e kanë të vështirë që edhe thjesht t’i bindin të nominuarit që të vijnë në ceremoni.
Burime pranë Daily Mail bëjnë me dije se muzikantë të klasit të parë si Kanye West, Justin Bieber dhe Drake po planifikojnë të gjithë që të bojkotojnë natën e madhe të 12 shkurtit. Pavarësisht se është nominuar për 4 çmime Grammy, bëhet me dije se Bieber nuk ka asnjë qëllim që të shkojë në spektaklin e këtij viti, madje po bën plane që të jetë diku tjetër në të njëjtën ditë.
Po kështu burimet rrëfyen se artisti 22 vjeçar nuk mendon se çmimet Grammy janë të rëndësishme apo përfaqësuese, veçanërisht kur vjen puna për këngëtarët e rinj. Këtij mendimi i janë bashkuar dhe Drake me Kanye West. (J.V/Shuplaka)
Discussion about this post