Policia e Shtetit ka ndaluar në Gjirokastër pesë pjesëtarë të familjes së Klement Balilit. Ndalimet dhe shoqërimet në polici thuhet se janë bërë në orën 05:00 të mëngjesit të sotëm. Ata u mbajtën për disa orë e më pas u lanë të lirë. Në vijim, policia ka kryer kontrolle në banesat e tyre.
Ndër të ndaluarit janë vëllai i Balilit, djali i tij Jeton Balili, i cili ndodhet në paraburgim. Familjarët e Klement Balilit shprehen se bëhet fjalë thjesht për një presion. Kontrolle janë duke u kryer edhe në Sarandë dhe Delvinë.
Një ditë më parë, gazetari investigative Artan Hoxha, u shpreh se sipas tij organizata kriminale e drejtuar nga Klement Balili e ka bazën në qytetin e Fierit.
“Organizata e financuar nga Klement Balili ka një bazë të vetën në qytetin e Fierit dhe zotërojnë kryesisht linjën e trafikut të drogave të forta që vijnë nga vendet e Amerikës Latine, kryesisht nga Ekuadori. Ajo përpunohet këtu dhe shpërndahet në vendet evropiane. Pikërisht për këtë arsye kjo organizatë është vënë edhe në shënjestrën e autoritete amerikane.”, u shpreh ai. (XH.A/SHUPLAKA)
