Gjykata e Posaçme kalon për gjykim dosjen ndaj ish zv-ministres së Brendshme Rovena Voda.
GJKKO ka pranuar kërkesën e SPAK ndaj ish-zv/ministres, ndaj të cilës rëndon akuza e ushtrimit te ndikimit të paligjshëm”.
Sipas SPAK, ajo ka pranuar dhe ka përfitime materiale nga Florinda Beu dhe Majlinda Hasani, me qëllim që të ndikonte, tek zyrtarë të tjerë për ta punësuar në administratë. Edhe kjo e fundit bashkë me Majlinda Hasanin janë në masë sigurimi “arrest në shtëpie” për të njëjtën akuzë.
Në seancën paraprake nëpërmjet avokatit të saj mbrojtës Voda ka kërkuar gjykim të shkurtuar, por pa pranuar fajësinë mbi akuzat e ngritura nga SPAK.
Kërkesa e saj do shqyrtohet në seancën e datës 2 Mars, ku Gjykata e Posaçme do vendosë nëse do e pranojë apo jo kërkesën e ish zv ministres. Nëse kërkesa e saj pranohet, atëherë ajo do përfitojë 1/3 e uljes së dënimit.
E pandehura Rovena Voda është akuzuar se ka kryer veprën penale “Ushtrimi i ndikimit të paligjshëm ndaj personave që ushtrojnë funksione publike”.
Discussion about this post