Kreu i Partisë Demokratike Lulzim Basha ka reaguar pas vendimit të Gjykatës për ish deputetin, Ervin Salianji, i cili u dënua me 1 vit burg nga Gjykata për “kallëzim të rremë” për çështjen “Babale”.
Basha po ashtu reagoi edhe për ndryshimet në ligjin për mediat që pritet të miratojë Kuvendi, ku u shpreh se PD do të jetë krah çdo gazetari që publikon aferat korruktpive të Ramës.
“Edi Rama miraton ligjin që synon që ti mbyllë gojë medias online, që mos të publikojnë aferat e tij korruptive. Edi Rama i merr sot këto vendime i ndihmuar nga krimi i organizuar. Me krimin e organizuar Edi Rama bleu zgjedhjet dhe po sundon.
Gjyqtari Artan Gjermenin, që dënoi Ervin Salianjin dhe gazetarin Jetmir Olldashi është anëtar i bandës gjakatere të Lushnjes e cila ka nisur që të gjallërohet sërish nën pushtetin e Edi Ramës.
A na ka mbyllur dot gojën Edi Rama ma banditët e tij? Jo! Dhe kurrë nuk do të na e mbylli! Ne jemi Partia Demokratike e Shqipërisë dhe do të rrëzojmë këtë kryeministër që udhëheq me kriminelë. PD do të jetë në krah të çdo qytetari dhe gazetari që publikon aferat korruptivet Ramës.
Mesazhi im për Edi Ramën është i qartë:I ke bërë llogaritë gabim!”- u shpreh Basha.
(M.Q/Faxweb.al)
Discussion about this post