Kreu i Bashkisë së Tiranës Erion Veliaj do të shtyjë me 3 ditë ardhjen e ditës së verës. Përmes një postimi në rrjetin social Twitter, ai kërkon mendimin e ndjekësve të tij për të shtyrë festimet për ditën e dielë, pasi sipas tij të enjten pritet që të mos jenë kushtet e duhura të motit për të zhvilluar aktivitetet që janë parashikuar nga Bashkia e Tiranës.
Veliaj duket se harron që në Twitter një pjesë e mirë e qytetarëve të Tiranës nuk janë të anëtarësuar, dhe ai konsiderohet si një rrjet i elitës, që me siguri nuk do të jetë te liqeni për të ngrënë Ballokumet e Elbasanit.
Derimë tani, pavartësisht se ka 15 orë që është publikuar sondazhi, kanë votuar vetëm 218 persona, që nuk mund të përfaqësojnë kurrsesi qindra mijëra banorët e kryeqytetit.
Për kryebashkiakun më shumë sesa tradita shumëvjeçare e shqiptarëve, kanë rëndësi aktivitet e tij, dhe ca foto të kuruara nën rrezet e diellit, të sponsorizuara me taksat e po qytetarëve të Tiranës.
Ajo që e bën dhe më qesharak postimin e Veliajt është fakti që ai iu kujton qytetarëve se e diela do të jetë pushim, ndërkohë që ditët zyrtare të pushimit nuk janë kompetencë e Bashkisë së Tiranës, po jepen me vendim të Këshillit të Ministrave.
Sondazhi i publikuar nga Veliaj:
(E.K/FAXWEB.AL)
Discussion about this post