Dy të rinj shqiptarë dhe një italiane janë arrestuar nga policia për trafikim të lëndëve narkotike.
Luisa Santini, ishte pronare e një lokali në Vicencza të Italisë së bashku me shqiptarin Xhulio Aliaj që mendohet se ishte dhe “koka e grupit”.
E ndërsa personi tjetër i identifikuar si Sokol Haderaj merrej me sigurimin e kokainës. Sipas autoriteteve italiane, ai e merrte drogën me makinë në Shqipëri.
Autoritetet arritën të sekuestronin në momentin e arrestimit një kilogram kokainë si dhe 5000 euro. Sipas mediave, fitimet e grupit kriminal kanë shkuar deri në 200 mijë euro.
Hetimi për tre personat ka nisur që prej vitit 2016 ku autoritete kishin arrestuar një klient të tyre dhe më pas kishin identifikuar edhe klientë të tjerë gjë që i ndihmoi hetuesit të binin në gjurmët e këtij grupi kriminal.
(M.Q/Faxweb)
