Është goditur me grushte avokati i Sali Berishës, Sokol Mëngjesi. Avokati i ish-kryeministrit është dhunuar në zonën e ish-Bllokut. Nuk dihen ende shkaqet e dhunës, teksa Mëngjesi është dërguar në spital.
Njoftim paraprak i Policisë së Shtetit
Sot, rreth orës 08:50, në zonën e ish-Bllokut në Tiranë, persona ende të paidentifikuar kanë goditur shtetasin S. M., me profesion avokat.
I dëmtuari është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve.
Gjendja e tij shëndetësore është normale.
Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve.