Një 27-vjeçare nga Rusia humbi jetën në mënyrë të menjëherëshme nga një aksident i pazakontë. Evgenia Elistratov u godit nga një “plumb prej akulli” që u ngrit nga një kamion që udhëtonte para saj. Copa e akullit depërtoi duke thyer xhamin e makinës ku ndodhej vajza e re dhe e goditi atë në sy.
Aksidenti ndodhi pranë Labytnangi, në veri të rrethit Arktik, në perëndim të Siberisë.
Sipas The Sun kamioni i madh ishte para makinës së saj, në një rrugë të largët dhe shoferi i tij nuk dinte asgjë për “plumbin prej akulli” që kishte ngritur me gomat e mjetit të tij. Sipas policisë, copa e akullit kishte qenë e përzier me zhavorr.
Discussion about this post