Goditi Ramën me këpucë, Bebe Rexha ka dy fjalë për Monikën (FOTO)

Këngëtarja me famë botërore, Bebe Rexha ka reaguar në lidhje me situatën politike në Shqipëri.

Dihet tashmë prej kohësh se këngëtarja me origjinë shqiptare ka marrëdhënie të afërta me lideren e LSI-së, Monika Kryemadhin.

Dhe ka qenë pikërisht çështja e Parlamentit ç’ka e bëri Bebe Rexhën të reagonte.

Në seancën e fundit të Parlamentit opozita protestoi duke kundërshtuar zgjedhjen e Prokurorit të Përgjithshëm të përkohshëm dhe pjesë e tensioneve në sallën e Kuvendit ishte edhe goditja me këpucë nga kryetarja e LSI-së në drejtim të Kryeministrit, Edi Rama.

“Ka ende miliona gra të shtypura në mbarë botën dhe janë gra të tilla që po bëjnë ndryshime. Kjo grua është e fortë. Ajo është një nënë. Ajo është grua. Ajo është një motër. Ajo është liderja e parë femër e një partie politike në Shqipëri.

Ajo ka “thyer mykun” dhe i ka dhënë jo vetëm gratë shqiptare, por gratë anembanë botës si unë, guximin për të shkuar pas ëndrrave të mia. Duke u rritur më kanë thënë që të flas vetëm kur të më flisnin, tani flas kur kam diçka për të thënë. Faleminderit Monika Kryemadhi që je kundër rrymës,”-shkruan këngëtarja Bebe krahas një fotojetë publikuar ku shihet Monika në podium.

(F.M/Faxweb)