Skuadra e Interit ka arritur një tjetër fitore mbrëmjen e sotme, teksa mundi në shtëpi Udinezen me rezultatin 4-0.
Zikaltrit shënuan 3 gola në 7 minuta në fundin e pjesës së parë. Ishte turku Calhanoglu që hapi serinë e golave, e më pas Dimarco dhe Thuram shënuan të dytin dhe të tretin.
Në pjesën e dytë, Inzaghi uli në stol disa nga titullarët dhe pati kohë për pak minuta edhe për Kristjan Asllanin, që zuri vendin e Calhanoglu në të 71-tën.
Në fundin e lojës ishte rradha e argjentinasit Lautaro Martinez për të realizuar dhe ai në këtë sfidë golin e katërt.
Me këtë tre pikësh Interi merr sërish kreun e klasifikimit me 38 pikë, 2 më shumë se Juventusi i vendit të dytë.
Discussion about this post