Në lidhje me lajmin e publikuar në media për vjedhje në Lalëz, burime nga blutë e Durrësit bëjnë me dije për “FaxNews” se mbrëmjen e 1 gushtit persona ende të paidentifikuar kanë vjedhur në banesën e shtetasit D.Sh., 36 vjeç, banues në Tiranë, shumën prej 20 000 lekësh të reja.
Blutë e Durrësit bëjnë me dije se vijon puna për identifikimin e autorit/ve, ndërsa materialet i kaluan Prokurorisë së Rrethit Gjyqësor Durrës, për veprime të mëtejshme.
Policia e Durrësit mohon të jetë një ngjarje që përsëritet, ndërsa bëhet fjalë për një rezidencë private, të monitoruar nga kamerat.
Gjatë ditës së djeshme në media u shpërnda lajmi se në mesin e vilave të grabitura në Lalëz ishte dhe ajo e kreut të SPAK, Arben Kraja.
Ky i fundit në një reagim për Fax News e mohoi lajmin, duke thënë se kjo ishte një tentativë për të goditur institucionin që ai drejton.
“Nuk më është vjedhur banesa as këto ditë dhe as më parë. Garantoj publikun se puna e SPAK nuk intimidohet nga “fake news”. Lajmi është i sajuar për të goditur integritetin e institucionit që unë drejtoj”, ka thënë mes të tjerave Kraja për Fax News.
Më tej kreu i SPAK shtoi se 2 javë më parë, në kompleksin Lura, ishin vjedhur disa banesa, por pre e vjedhjeve nuk kishte rënë banesa e tij. (Lexo edhe ketu lajmin)
(E.K/Faxweb.al)
Discussion about this post