Është zbuluar rasti i parë me virusin e gripit të derrit në vendin tonë, dhe ai është një pacient 60-vjeçar nga qyteti u Durrësit. Burime bëjnë me dije se pacienti është në gjendje të rëndë për jetën
60-vjeçari K. Beçka ndodhet në reanimacion, i intubuar prej tre ditësh.
Sipas burimeve nga spitali Rajonal, bëhet e ditur se pacienti është paraqitur fillimisht në urgjencën e spitalit për ndihmë mjekësore. Më pas, është shtruar dhe nga analizat e kryera në Tiranë, ka rezultuar me një ndër variantet e gripit të derrit.
Derimë tani MInistria e Shëndetësisë dhe ISHP kanë këmbëngulur se në vendin tonë nuk ka pasur raste të gripit të derrit, dhe 4 pacientët që kanë humbur jetën kanë qenë të prekur nga gripi i zakonshëm, si dhe kanë pasur sëmundje të tjera shoqëruese.
Edhe për rastin e 60-vjeçarit në Durrës nuk ka një njoftim zyrtar nga autoritetet, të cilat po tentojnë të shprehen se situata është nën kontroll dhe nuk ka vend për alarm te qytetarët.
(E.K/FAXWEB.AL)
