Krimi në familje ka goditur sërish në vendin tonë. Gruaja ka vrarë bashkëshortin e saj mëngjesin e kësaj të diele. Violeta Donaj ka qëlluar me armë zjarri tip pistoletë burrin e saj Kujtim Donaj banues në Rrëshen.
Sipas njoftimi të policisë ngjarja ka ndodhur në tregun e Milotit. Fax News raporton se çifti i bashkëshortëve kanë qenë duke tregtuar, pasi çifti ishte tregtarë në tregun e Milotit dhe ngjarja ka ndodhur pranë tezagave ku shiste çifti.
Sipas dëshmitarëve, gruaja ka qenë së bashku në shoqërinë e një gruaje tjetër teksa ka qëlluar drejt bashkëshortit të saj.
Nga informacionet paraprake nuk dihet ende se cila ka qenë arsyeja që 35-vjeçarja ka qëlluar për vdekje bashkëshortin, 42 vjeçar.
E reja ka tentuar të largohet nga vendngjarja, por ndërhyrja në kohë e forcave policore, ka bërë të mundur kapjen dhe arrestimin e saj si dhe sekuestrimin e armës së zjarrit me të cilën është kryer krimi.
Grupi hetimor në bashkëpunim me Prokurorinë e Rrethit Gjyqësor Kurbin, po vazhdojnë hetimet në vendngjarje për zbardhjen e plotë të rrethanave të ngjarjes.
(M.Q/Faxweb)
https://www.youtube.com/watch?v=zMJE06vn3j8&feature=youtu.be
https://www.youtube.com/watch?v=Y0MXMTzv4Z0&feature=youtu.be
Discussion about this post