Habit Guardiola: Pas Mançesterit nuk do jem më trajner (VIDEO)

Pep Guardiola ka habitur mbarë opinionin sportiv pasi tha se karrierës së tij si trajner po i vjen fundi.

Tekniku spanjoll i Mançester Sitit, në përfundim të ndeshjes së fituar 2-1 ndaj Bërnlit, tha se do të vazhdojë drejtimin e “qytetarëve” edhe për tre vite të tjera. Ndër të tjera ai theksoi që mbase do të qëndrojë edhe gjatë edhe në stolin e Mançesterit.

“Unë do të jem trajner i Mançester Sitit në 3 vitet e ardhshme, ndoshta dhe pak më shumë, por jam i sigurt që jam duke arritur fundin e karrierës sime. Nuk do të jem në stol duke drejtuar deri në moshën 60 apo 65-vjeçare. E ndjej që procesi i lamtumirës sime ka filluar tashmë”, tha trajneri spanjoll.

45-vjeçari ka fituar 21 trofe në 9 vite në rolin e trajnerit me Barcelonën dhe Bajernin e Mynihit.