Koncerti i Shkëlzen Dolit, LSI kritikon: Qeleshet rrinë më mirë në kokat e shqiptarëve

Kreu i Grupit Parlamentar të Lëvizjes Socialiste për Integrim, Petrit Vasili, ka kritikuar koncertin e Shkëlzen Dolit në Tiranë dhe gjestin e këtij të fundit gjatë performancës.

“Koncerti i Vjenës duhet të flasë shqip. Orkestra e Radiotelevizionit Publik Shqiptar mund ta zhvillojë këtë eveniment, pasi është një formacion dinjitoz. ‘Danubin blu’ shqiptarët e kanë dëgjuar falë kësaj orkestre. Shkëlzen Doli dhe orkestra e RTSH-së mund ta sjellin Vjenën në Tiranë. Qeleshet rrinë më mirë në kokën e shqiptarëve si edhe shqiptarët e pinë më mirë rakinë me fund”, është shprehur ndër të tjera Vasili.

Ky reagim i tij vjen pas surprizës së violinistit Shkëlzen Doli, i cili u dha muzikantëve austriakë nga një gotë raki dhe u ofroi nga një qeleshe teksa luanin valsin e “Danubit blu” të Strauss-it.

Së bashku me 36 artistë nga Vjena, Doli perfomoi për rreth 1 orë e 30 minuta. Ministria e Kulturës e ka konsideruar këtë koncert si një frymëzim të fuqishëm për artistët e rinj në Shqipëri, qw synon të shërbejë për rritjen e bashkëpunimit në botën e artit dhe cultures.

(XH.A/SHUPLAKA)