Presidenti i Komisionit Europian Jean Cloude Juncker gjatë fjalës së tij në Parlamentin Europian ka deklaruar se Shqipëria dhe Maqedonia e Veriut kanë bërë përparime thëlbësore.
Juncker ka përsëritur thirrjen për BE-në ku kërkon që të mbahet premtimi me vendet e Ballkanit Perëndimor, pasi janë bërë reforma thelbësore.
“Maqedonia Veriore dhe Shqipëria kanë bërë përparim thelbësor. Kjo është arsyeja pse Presidenti Sassoli, Presidenti Tusk, Presidentja e zgjedhur von der Leyen dhe unë u shkruajtëm një letër Shteteve Anëtare duke i ftuar ata të bëjnë atë që u premtuan vendeve të Ballkanit Perëndimor veçanërisht Shqipërisë dhe Maqedonisë së Veriut. Marrëveshja e Prespës mes Maqedonisë së Veriut dhe Greqisë, por edhe reformat e guximshme që ka ndërmarrë Shqipëria, duhet të na lejojnë që ti hapim negociatat.
Nëse Evropa ka një vullnet të fortë, gjithmonë ekziston një mënyrë për të arritur qëllimet e dakorduara zakonisht. Unë e marr shembullin e marrëveshjes së Prespës midis Maqedonisë së Veriut dhe Greqisë – korniza evropiane dhe perspektiva evropiane kanë ndihmuar për të siguruar që një konflikt dhjetëvjeçar zgjidhet përfundimisht. Dhe reformat që Shqipëria ka ndërmarrë me guxim, na lejojnë të parashikojmë në një mënyrë të favorshme hapjen e negociatave të pranimit.”- u shpreh Juncker.
Discussion about this post