Haradinaj hedh poshtë gjithçka: Nuk do të ketë marrëveshje me Serbinë

Kryeministri i Kosovës, Ramush Haradinaj,ka deklaruar se nuk do pranohet një marrëveshje me Serbinë për korrigjim të kufijve.

I ftuar në emisioin ‘Opinion’ tha se nuk e konsideron një projekt serioz.

“Të gjitha këto që kanë ndodhur, nuk më lejojnë të mendoj se presidenti Thaçi e ka menduar si një projekt serioz. Unë mendoj se është një taktikë politike e tij.”

Kryeministri u shpreh për një marrëveshje të tillë me Serbinë është dhe do të jetë kundra.

Fevziu: Z.Vuçiç në fjalimin e tij në Mitrovicë, më krijoi idenë sikur paralajmëron një marrëveshje me Kosovën.

“Ne e respektojmë vlerat e serbëve të Kosovës. Përkundër të kaluarës tonë tragjike. Ne nuk do shkojmë tek zgjidhja deri tek korrigjimet në territor. Ne nuk e hapin të kaluarën tonë. Nuk ka kthim pas, edhe vendet që nuk na njohin, vitin që vjen, këto vende do të na njohin. Ne do të luftojmë për tu bërë anëtarë të NATO-s. Kufiri nuk do ndryshojë. Ne nuk do të lejojmë të preken kufijtë tanë.”

(M.Q/Faxweb)