Kryetari i Aleancës për Ardhmërinë e Kosovës (AAK), Ramush Haradinaj, ka deklaruar se Shtetet e Bashkuara të Amerikës duhet të rikthejnë vëmendjen tek Ballkani, konkretisht tek marrëdhëniet shqiptaro-serbe pasi kjo është shumë e rëndësishme.
Gjatë një takimi me qytetarë në Podujevë, Haradinaj deklaroi se situata në Ballkanin Perëndimor nuk është stabile.
“Amerikanët t’i kthehen marrëdhënieve shqiptaro-serbe, dhe ti normalizojnë këto marrëdhënie. Serbia po blen rakete, po e forcon ushtrinë e saj, e ne nuk po mundemi ta themëlojmë ushtrinë tonë. Duam t’i alarmojmë të gjithë, që mos të na lënë në një situatë të paduruar si kjo që është sot. Uashingtoni në këtë rast është mirë që me i mbyllë punët ndërmjet shqiptarëve të Kosovës dhe Serbisë”, ka thënë Haradinaj.
