Kreu i AAK Ramush Haradinaj ka zhvilluar vizitën e parë zyrtare në Shqipëri pas lirimit nga autoritetet franceze nga akuzat për krime lufte.
Haradinaj është pritur nga Kryetari i Kuvendit të Shqipërisë Ilir Meta dhe njëherësh president i zgjedhur.
Haradinaj mësohet se e ka uruar Metën për zgjedhjen e tij si President i Republikës dhe ka nënvizuar rëndësinë e thellimit të bashkëpunimit të ngushtë mes Shqipërisë dhe Kosovës në shërbim të forcimit të paqes dhe stabilitetit në rajon.
Nga ana tjetër Meta pasi shprehu kënaqësinë për rikthimin dinjitoz e të merituar të Haradinajt në Kosovë. Ai gjithashtu vlerësoi përkushtimin e tij ndaj zhvillimit demokratik dhe institucional të deritanishëm të Kosovës.
Presidenti i zgjedhur shqiptar dhe kreu i AAK diskutuan po ashtu edhe për zhvillimet e fundit politike në Kosovë e në Shqipëri, të dyja vende këto tashmë që kërkojnë të kryejnë zgjedhet parlementare në qershor.
(M.D/Shuplaka)
