Pas reagimit të kryeministrit Edi Rama për deklaratat e e kreut të PD-së Lulzim Basha, mbi thirrjen e Departamentit Amerikan të Shtetit për zgjedhjet e 18 qershorit, ministrja e Inovacionit Milena Harito ka bërë “share” postimin e kryeministrit dhe ka komentuar se streha e fundit e Bashës është përkthimi.
“Meqë streha e fundit e Lulzim Bashës dhe shokëve të tij mbetet përkthimi (i kujtoni akuzat e çudirat me përkthimin e ligjit dërguar në Gj. Kushtetuese dhe Kom. E Venecias).
Ja origjinali :
Ambassador Shannon also emphasized the importance of all political parties in Albania participating in the upcoming parliamentary elections.”, shkruan ministrja.
Kryeministri ka shkruar pak më parë se kreu i opozitës e ka interpretuar gabim thirrjen e Departamentit Amerikan të Shtetit.
“Lulëzimi e paska interpretuar thirrjen e Departamentit të Shtetit që gjithë partitë të hyjnë në zgjedhje, si një mbështetje për fantazinë e tij se po nuk hyri PD në zgjedhje, zgjedhjet nuk u bëkan as sipas Shteteve të Bashkuara! Në fakt e kundërta është e vërtetë. Shqipëria ka zgjedhje në 18 qershor. Dhe askush në botën e logjikës elementare demokratike, as nuk e diskuton fare datën kushtetuese të zgjedhjeve”, ka shkruar Rama pak më parë.
Ndër të tjera ka shkruar gjithashtu: “Një opozitë që i friket Reformës në Drejtësi dhe refuzon të paraqitet për gjykim përpara popullit, nuk i duhet jo Shqipërisë, shqiptarëve dhe miqve e partnerëve tanë ndërkombëtarë, po as dreqit vetë!” (D.D/Shuplaka)
