Mbrojtësi i Skënderbeut, Tefik Osmani, ka reaguar pas vendimit të komisionit të etikës për t’i hequr titullin e sezonit 2015-2016 ekipit korçar.
Ai ka shkruar në rrjetet sociale se titulli që i’u hoq ekipit korçar është më i bukuri që ai ka fituar, ndërsa ka thënë se ata që parashikuan rënien e Skënderbeut nga kategoria duhet të kërkojnë falje.
“Kush ka thënë që do rrëzoheshim nga kategoria, duhet të ketë kurajën të kërkojë falje. Jemi ekip KAMPIONËSH dhe dimë të falim… por ky është titulli më i bukur që kam fituar”, shkruan Osmani.
Ai që e parashikoi rënien e Skënderbeut dhe kalimin e titullit tek Partizani, ishte ish-kryetari i Bashkisë së Vlorës, Shpëtim Gjika.
Gjikës në fakt i doli parashikimi për kalimin e titullit tek partizani por jo edhe parashikimi se Skënderbeu do të bjerë nga kategoria. (B.H/Shuplaka)
