Nga Klodian Tomori
Skandali i paprecedentë me manipulimin e dokumenteve zyrtare nga EURALIUS-i është një goditje e rëndë për besueshmërinë e zyrës së Bashkimit Europian në Shqipëri. Por ajo që e bën më të rëndë është fakti se ky nuk është një rast i izoluar.
Prej kohesh, misioni i BE-së në Tiranë e ka humbur paanshmërinë politike. Por sot ai i ka vënë vetes një damkë edhe më të madhe. Atë të tentativës së mashtrimit të një vendi sovran.
Ndoshta ka ardhur koha që ambasadorja e Bashkimit Europian të marrë përsipër përgjegjësitë institucionale. Nuk është rastësi që nën drejtimin e saj, ambasada e Bashkimit Europian në Shqipëri është përfshirë në skandale me një intensitet që do ta kishin zili edhe institcionet më zullumqare të Shqipërisë.
Ka disa raste kur heshtja flet shumë. Ajo e Vllahutinit sot kumbon. Në Europën, që zonja Vlahutin përfaqëson, në skandale si këto, dorëheqja është reagimi më minimal. Por siç thotë kolegia Desada Metaj, ajri, uji ose ndonjë çorbë e gatuar në Shqipëri duhet të kenë veti krejt të veçanta tek të huajt që jetojnë relativisht gjatë këtu.
Një veti që i bën ata gjithmonë e më pak të ngjashëm me zyrtarët europianë, por gjithmonë e më shumë të ngjashëm me politikanët shqiptarë.
Discussion about this post