Partia Demokratike dhe opozita e bashkuar kanë marrë vendimin për pjesmarrje në tryezën e thirrur nga OSBE, e cila u dërgoi ftesë partive politike për t’u ulur dhe hartuar ndryshimet në Kodin Zgjedhor, ose thënë ndryshe nisjen e Reformës Zgjedhore.
Por pas vendimit të opozites për të marrë pjesë në konferencën për Reformën Zgjedhore dhe pas kërkesës së saj është publikuar axhenda e aktivitetit, por aty nuk është parashikuar kohë për opozitën.
Siç mund të shihet edhe nga axhenda e publikuar, përfqësuesit e opozitës nuk kanë asnjë fjalim në konferencën që do të zhvillohet nesër.
Në konferencë nga opozita do të marrë pjesë Arjan Madhi nga PR, Ivi Kaso si dhe Muharrem Caka, të cilët do të jenë të pranishëm në tryezën e organizuar nga OSBE dhe bashkëdrejtuesit e komisionit të Reformës Zgjedhore, Damian Gjiknuri dhe Rudina Hajdari.
Vendimi për të marrë pjesë në tryezë u mor pas mbledhjes së sotme të aleatëve në Partinë Demokratike, ndërsa pas këtij takimi Basha ka pritur në zyrë dhe ambasadorin e OSBE-së Bochardt.
E vetmja që reagoi pas mbledhjes së aleatëve ishte kryetarja e LSI-së Monika Kryemadhi, e cila tha se opozita ka qenë e gatshme gjithnjë për zgjidhjen e krizës në vend, në ndryshim nga gënjeshtrat e Edi Ramës.(Lexo këtu)
Duket se Reforma Zgjedhore do të përbëjë dhe kthesën e parë në marrëdhënien mes opozitës dhe qeverisë, në përpjekje për të gjetur një marrëveshje pas një krize që vijon prej disa muajsh.(Lexo këtu)
