Një turist zviceran humbi orientimin ditën e sotme në Gjirin e Shën Andreas në Karaburun. Menjëherë pas njoftimit policia kufitare e Vlorës bëri të mundur lokalizimin dhe ardhjen në ndihmë të turistit.
Më pas me mjetin e Policisë Kufitare e kanë shoqëruar deri në Dhërmi. Gjendja e tij shëndetësore ishte e mirë dhe falenderoi policinë për gatishmërinë dhe ardhjen në ndihmë.
Njoftimi i Policisë:
📌Gjiri i Shën Andreas, Karaburun
Mbeti i bllokuar në gjirin e Shën Andreas, pasi humbi orientimin në këtë zonë, Policia Kufitare e Vlorës i shkon në ndihmë turistit zvicerian.
Menjëherë pas marrjes së njoftimit se një turist që po eksploronte me këmbë, gjirin e Shën Andreas, ishte bllokuar në këtë zonë, për shkak se kishte humbur orientimin, shërbimet e Policisë Kufitare kanë organizuar punën për t’i shkuar në ndihmë atij.
Shërbimet e Policisë Kufitare kanë bërë të mundur lokalizimin e turistit nga Zvicra, dhe më pas e kanë shoqëruar atë, në Dhërmi, me mjetin e Policisë Kufitare.
Turisti, i cili është në gjendje të mirë shëndetësore, ka falënderuar shërbimet e Policisë Kufitare, për reagimin e menjëhershëm dhe profesionalizmin e treguar gjatë ofrimit të ndihmës.
Policia Kufitare e Vlorës vijon të jetë maksimalisht e angazhuar për të garantuar sigurinë e turistëve dhe vizitorëve që zgjedhin vendin tonë, gjatë gjithë vitit.
#angazhimpërkushtimsakrificë👮️
#tëvendosurkundërkrimit✅
#nëçdoskajtëvendit🇦🇱
#nëshërbimtëqytetarëve👮️🤝🙍️
