Elseid Hysaj është padyshim një ndër lojtarët më të spikatur gjatë të dyja fazave të merkatos.
Mbrojtësi shkodran ka shkëlqyer në pozicionin e tij me fanellën e Napolit, ndaj dhe shumë ekipe të mëdha në Europë duan ta kenë në ekip.
Prezantuesi i emisionit sportiv “Si Gonfia La Rete” në Radio Crc, Rafael Auriema, tregoi se napolitanët nuk do të kryejnë ndonjë trnasfertë këtë merkato, ndërsa në verë mund të ketë ndryshime të rëndësishme.
“Hysaj është një nga më të mirët e rolit të tij në Europë dhe janë disa skuadra të mëdha që po e monitorojnë. Nëse Napoli e shet do të përfitonte 50 milion euro dhe me to do të investonte për pasardhësin e tij, i cili me shumë mundësi do të jetë Konti i Atalantës, ose dikush i ngjashëm me të”, tha ai.
