I dyshuari si pjesë e bandës së Lul Berishës mbetet në burg, miku i tij me armë me leje nga Policia lirohet

Pak ditë më parë, policia bëri të mundur arrestimin e dy personave në Durrës, Marjel Fejza dhe Genti Nderjaku, të dy të armatosur me pistoleta.

Dyshohet se Marjel Fejza është  njëri prej anëtarëve të bandës së Lul Berishës. Policia tha se të arrestuarit lëviznin me armë pa leje.

Ndërkohë sot Gjykata e Durrësit ka dhënë masën e arrestit me burg për Fejzën, ndërsa detyrim paraqitjeje për Nderjakun.

Policia i ka dhënë leje për të mbajtur armë Genti Nderjakut. Ky i fundit e ka marrë lejen në datën 28 prill 2017. Leja për pajisjen me armë të një personi i cili cilësohet i rrezikshëm nga policia, është firmosur nga Drejtori I Policisë Haki CCako dhe është propozuar nga vet Policia e Durrësit.

Genti Nderjaku është pajisur me një pistoletë dhe 50 fishekë, por që ishte i detyruar ti mbante në banesë ose tek bizneset e tij. Ndërkohë Fejza, i cili është etiketuar dhe si afërm i bandës së Lul Berishës e mbante me vete këtë pistoletë.

Fierza ka deklaruar që e ka gjetur armën dhe se do e dorëzonte në polici por skishte kohë. Gent Nderjaku njihet me pseudonimin “Kili” në Durrës, ndërkohë që ka lindur në Shijak.

(E.K/SHUPLAKA)