Elvis Josifi 36-vjeç i cili ndërroi jetë gjatë kohës që punonte në ndërtimin e një objekti në Korçë pasi i ka rënë sipër një vinç, është përcjellë ditën e sotme për në banesën e fundit mes dhimbjes dhe lotëve nga familjarët dhe të afërmit e tij.
Burime për Faxweb.al bëjnë me dije se ndaj familjarëve firma e ndërtimit ka kërkuar të mbulojë shpenzimet e ceremonisë mortore or që nuk është pranuar, ndërsa ata bëjnë fajtore firmën për vdekjen e të riut.
Familjarët kanë thënë jashtë kameres që përgjegjësit duhet të kalben në burg. Elvisi është djali i madh i familjes Josifi ndërsa punonte prej vitesh në ndërtim dhe ishte i pa martuar. Ai ka lënë pas një vëlla tjetër dhe dy motra.
Kujtojmë se për ngjarjen e rëndë, Policia e Korçës ka arrestuar dy persona. Personat e arrestuar janë përgjegjësi teknik i firmës së ndërtimit si dhe manovratori, që ishte nën drejtimin e vinçit në momentin kur ndodhi ngjarja tragjike.
Këta shtetas dyshohet se kanë konsumuar elementë të veprës penale “Shkelja e rregullave të mbrojtjes në punë”, pasi gjatë procesit të hedhjes së betonit në objekt, është dëmtuar një segment metalik i presës, i cili ka goditur në kokë duke i shkaktuar vdekjen shtetasit E.J., 36 vjeç, si dhe ka dëmtuar jashtë rrezikut për jetën shtetasin P.F., 59 vjeç, të dy banues në Korçë.
(F.GJ/FAXWEB.AL)
