Për të folur për situatën në veri të Kosovës ishte i ftuar në Fax News me lidhje Skype, Luan Hallulli, kreu i shoqatës italo-shqiptare Abruzzo.
Me gazetarin Albi Rakip, ai analizoi menaxhimin e terroristëve serbë në Bënjskë nga policia e Kosovës. Për Hallullin një meritë të madhe ka kryeministri i Kosovës, Albin Kurti.
Sipas tij, Kurti është njeri me horizont shumë të gjatë që i paska ditur gjërat më mirë se shumë të tjerë edhe se kryeministri Edi Rama.
Ky i fundit sipas Hallullit ka mbajtur gjithnjë anën e Aleksandër Vuçiç. Koha i dha të drejtë Albin Kurtit, sepse në fillim të gjithë kanë qenë kundër tij, në një kohë kur ai paska pasur të drejtë.
Luan Hallulli: “Dialogu Kosovë Serbi, Kosova e ka pas me ndershmëri, ndërsa Serbia e ka pasur me hile që ditën që ka filluar dialogu. E them se me ngjarje e fundit me terroristët që janë në dijeni shteti i Serbisë, që janë presidenti Vuçiç, atëherë kjo paska qenë një tradhti e brendshme që nuk ka pasur të bëjë fare me dialogun. Ne i paskemi rënë në qafë për dialogun kryeministrit Albin Kurti, sepse edhe Eskobar thoshte që gjithë mallkimet i kemi nga Albin Kurti. Por ja që koha e ndriçoi Albin Kurtin edhe Zoti e bekoftë edhe nëna për gjirin që i ka dhënë. Ne jemi krenarë për kryeministrin që ka Kosova sepse kemi qenë të gjithë kundra Albin Kurtit sepse paska qenë fajtor, por jo spaska qenë fajtor Albin Kurti. Paska qenë një njeri me horizont shumë të gjatë, një njeri që i paska ditur gjërat më mirë se gjithë të tjerët, më mirë se edhe kryeministri shqiptar. Kryeministri shqiptar ka qenë pro Vuçiçit, të rrimë shtrembër të flasim drejt.
Nuk ka dialog me Serbinë, përderisa del Vuçiç dhe thotë se do mbajë tre ditë zie për terroristët, a mbani mend se ka ndodhur në ndonjë vend të botës?”
