Ai njihej nga të gjithë për profesionalizmin në muzikë. Ishte një këngëtar, reper, kompozitor dhe tekstshkrues. Njihej si Doktor Flori, por u nda nga jeta në moshë të re, duke lënë pas gruan dhe dy fëmijët e tij. Për të gjithë, kryesisht për familjarët dhe miqtë e tij të ngushtë nuk do të harrohet kurrë.
Një nga miqtë e tij më të ngushtë të tij ishte edhe këngëtari Landi Hysi, pasi ata ishin edhe pjesë të grupit “West Side Family”, ku në vitet ‘2000 korrën shumë suksese.
Por sot edhe pas disa vitesh që Doktor Flori ka ndërruar jetë miku i tij, Landi e ka kujtuar atë nëpërmjet një foto të postuar në Instagram, ku shfaqen së bashku. “28 shkurt, Ditëlindja jote sot Floro”, shkruan ai në mbishkrimin e fotos.
Nëse sot Doktor Flori do të ishte gjallë ai do të festonte 38-vjetorin e lindes së tij. Deri në vdekjen e tij, Dr. Flori ka punuar si këngëtar i vetëm dhe gjithashtu me aktorin dhe këngëtarin Ermal Mamaqi e të cilin ka bërë disa këngë me të. (J.V/Shuplaka)
