Tre senatorë të shquar amerikanë kanë paralajmëruar se Rusia dhe presidenti i saj mund të përballen me sanksione për shkak të ndërhyrjes së pretenduar, në zgjedhjet presidenciale të muajit të kaluar. Ata deklaruan se masat kishin marrë mbështetjen ndër-partiake në senat.
Masat mund të përfshijnë sanksione të reja ekonomike, aktakuza ndaj hakerëve rusë, restriksione ndaj diplomatëve rusë si dhe zbulimin e informacioneve turpëruese për zyrtarët rusë, raporton “Ëashtington Post”.
Zyrtarët thonë se këto masa të reja nuk do të tejkalojnë përmasat e sulmeve sulmet kibernetike ruse, me qëllim që të mos eskalojë konflikti kibernetik.
Rusia rregullisht i ka hedhur poshtë akuzat se ka ndërhyrë në zgjedhjet amerikane. Presidenti i zgjedhur amerikan, Donald Trump, gjithashtu ka thënë se ka dyshime në informacionin se Rusia ka ndërhyrë, megjithëse në komunitetin e inteligjencës ekziston konsensusi se Moska në fakt ka ndërhyrë.
Presidenti, Barack Obama i ka thënë Radios Publike amerikane së fundi se “ne duhet dhe do të ndërmarrim masa” kundër Rusisë për ndërhyrjen në zgjedhjet amerikane.
Zëdhënësja e ministrisë së jashtme ruse, Maria Zakharova, e pyetur për masat hakmarrëse amerikane ka thënë mbrëmë se Rusia do t’i përgjigjet çfarëdo mase të Shtëpisë së Bardhë. (E.K/SHUPLAKA)
Discussion about this post