Nard Ndoka është një nga aleatët Republikës së Re dhe në këtë muaj fushate nuk mungon as mbështetja e tij për këtë parti.
Ai ka postuar një video ku shfaqet bashkë me një burrë, qytetar të Vaut të Dejës, Lodovik Zmajlin, i cili ka një mirënjohje të veçantë për atë që bëri rrugët në të gjithë Shqipërinë, sipas tij Sali Berishën.
Në videon e postuar Ndoka pyet qytetarin sesi i duket rruga. “Rruga shumë e mirë, është i nderum e i respektum kryeministri Sali Berisha. Edhe shumë faleminderit prej tij dhe e pastë jetën e gjatë bashkë me Partinë Demokratike. Rroftë Sali Berisha, rroftë Partia Demokratike”, u shpreh qytetari.
Ndoka na sqaron se kjo video është xhirruar në Iballë se qytetari nuk e njeh akoma Ramën për kryeministër.
“Në qeverisjen e PD-së, thotë Lodoviku, u ndërtun 33 km rrugë, më vlerë 10.5 milion dollarë.
Per ne rrofte Sali Berisha, thotë Lodoviku, se Ramen as e kena pa, as duam ta shohim ma, se nuk i ka ra ndërmend per ne!”, shkruan Nard Ndoka. (J.V/Shuplaka)
