Detaje të reja janë zbardhur lidhur me kufomën që u gjet mëngjesin e sotëm në një stallë në fshatin Mbrezhan të Këlcyrës.
I pajeti është identifikuar si Moisi Kalaj, 55 vjeç, i cili dyshohet të jetë vetëvrarë. Policia ka gjetur dhe sekuestruar në vendngjarje edhe një armë zjarri tip kallashnikov.
Banorët e zonës kanë bërë të ditur se 55-vjeçari kishte pak kohë që ishte kthyer nga Greqia ku nuk i lejohej më hyrja, ndërkohë që familjarët e tij vijojnë të qëndrojnë në shtetin grek.
