I pret fytin taksistit dhe i merr makinën, kush është 24-vjeçari i arrestuar në Kavajë

Policia ka gjetur të vdekur taksistin Idriz Karriqi, i cili u denoncua ditë më parë nga familjarët si i zhdukur.

Uniformat blu të Kavajës njoftuan se trupi i pajetë i Karriqit është gjetur në fshatin Rrethgreth pranë një pylli. Vrasja e tij sipas policisë ka qenë me thikë dhe në trup i janë gjetur shenja dhune. 

65-vjeçari është gjetur gjatë natës dhe dyshohet të jetë grabitje pasi makina e tij nuk është gjetur pranë trupi të pajetë. 

Ndërkohë që policia ka arrestuar një 24-vjeçar në këto momente pasi ai ka qenë personi i fundit që ka kontaktuar me taksistin.

Identiteti i tij është Musa Saraçi nga fshati Gosë. Ka dyshime se ai ka vrarë taksistin duke i prerë fytin dhe më pas e ka lënë trupin e tij në rrugë, duke u larguar me taksinë.

Në vijëmësi të hetimeve, mësohet se i riu e ka vrarë 65-vjeçarin vetëm sepse kishte nevojë për lekë dhe më pas e ka mjetin e ka shitur për 30 mijë lekë reja. Burime të policisë kanë deklaruar se 24-vjeçari rezulton të jetë përdorues droge.

Së fundmi, është kryer ndalimi i personit që i bleu mjetin 24-vjeçarit, i cili nuk dispononte dokumentacionin e makinës.