Kukësi arriti të mposhte në Korçë ekipin e Skënderbeut 0-1 me anë të një supergoli të Sidrit Gurit, i cili është dhe sulmuesi i momentit në kampionatin shqiptar për shkak të formës së mirë që po kalon.
Autori i golit tha pas ndeshjes se ishte shumë i lumtur për golin dhe që i prishi festën Skënderbeut. “Jam i lumtur që i prishëm festën Skënderbeut. E kishim përgatitur këtë ndeshje si një betejë. Ka kohë që ta festojë titullin Skënderbeu.
Menaxherët e huaj në stadium? Nuk më motivoi ky fakt, sepse këtë e mendojnë menaxheri im dhe drejtuesit e klubit. Unë jap maksimumin për Kukësin.
Në të ardhmen preferoj që të luaj në Austri. Mua më kanë thënë se do të më ndiqnin sot në stadium, por nuk di më shumë.
Penalltia sot? Ishte 100% penallti dhe këtë e pashë edhe në TV pas ndeshjes.
Në janar unë rinovova për 1 vit e gjysmë me Kukësin. Çmimi? Këtë e di presidenti, por mendoj se nuk do të më pengojë për karrierën time, sepse do të jetë elastik në çmimin që do të vendosë për kartonin tim”, deklaroi Sidrit Guri.
(B.H/Faxweb)
