Rrëfehet babai i dy vajzave nga Fieri, të cilat u rrahën barbarisht vetëm pse morën pjesë në protestën e opozitës në 18 shkurtit.
Zoti Hatillari, i bëri thirrje publike ministrit të Punëve të Brendshme Saimir Tahiri, që të kapë kriminelët që i rrahën vajzat, Antonetën dhe Gladiolën.
“Qeveria duhet të kapë kriminelin. I bëj apel Tahirit pasi ka 10 mijë policë. Mos na trego përralla me mbret po shko kapi kriminelët. Çfarë faji kishin bërë 2 vajzat e mija, vetëm se erdhën në protestë. Vajzat e mia janë dhunuar për 2 vota. Kaq poshtë kemi rënë?”, tha zoti Hatillari nga protesta e opozitës.
Përpara babait të dy vajzave, lidhur me ngjarjen foli publikisht edhe kreu I Partisë Demokratike Lulzim Basha, i cili i la afat policisë që të kapë kriminelët deri sonte në mesnatë, përndryshe do përballen me pasoja.
“Dje (pardje) bandat sulmuan dy vajza 29-vjeçare nga Fieri që ishin në protestë. Keni afat deri në orën 24:00 për arrestimin e autorit që është publikisht i njohur për ju. Arrestojeni ose merrni parasysh pasojat. Bandat dhe banditët e kurdisur dhe të paguar nga qeveria e krimit kanë gruximin të frikësojnë dhe të terrorizojnë qytetarët, vetëm pse duan të japin votën si qytetarë të lirë. Ky është fundi i republikës së krimit. Policia e shtetit prkuroria dhe gjykatat nuk vendosin ligjin po kthehen në mburoja të bandave. Ky është fundi i kësaj republike. Ky është mekanizmi që bandat e Edi Ramës përdor për të tjetërsuar vullnetin. Ky ëhstë mekznazimi qëka kthyer terrorin e bandave të veshura me pushtet. A mund ta pranojnë shqiptarët këtë”, ka thënë Basha. (D.D/Shuplaka)
Discussion about this post