I vodhi banesën bashkëfshatarit në mes të natës, arrestohet 21-vjeçari në Mallakastër

Një 21-vjeçar nga Mallakastra ka rënë në prangat  pasi akuzohet se i ka vjedhur banesën një bashkëfshatarit të tij.  Sipas policisë bëhet fjalë për një ngjarje të ndodhur më 26 qershor në fshatin Fratar.

Policia në Mallakastër njofton se ka arrestuar 21-vjeçarin Emiljano Milaj, banues në fshatin Fratar, pasi dyshohet se gjatë natës së 26 qershorit, në banesën e shtetasit A.R, 44 vjeç, ka vjedhur një gjenerator, një fikse zjarri, një makinë akulli, një bateri automjeti dhe disa sende të tjera të cilat u sekuestruan në cilësinë e provës materiale.

Gjithashtu shtetasi i lartpërmendur dyshohet se është autori i vjedhjeve të disa banesave të tjera në Mallakastër, për të cilat policia po punon për dokumentimin ligjor të tyre.

Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhje”.