Kryetari i Partisë për Drejtësi, Integrim dhe Unitet, Shpëtim Idrizi, u shpreh së fundmi se në këto zgjedhje PDIU ndodhet më mirë se në çdo parti tjetër. Gjatë takimit të zhvilluar me një grup banorësh në Kombinat, ai theksoi PDIU garon në korsinë e vet, që është korsia e çdo shqiptari që mendon si PDIU.
Duke u ndalur tek politikanët, ai shprehet se ata duhet të japin llogari përpara qytetarëve, pasi nga programi që prezantuan katër vjet më parë, asnjëri nuk thotë se ka realizuar 10 pika e se çfarë i ka mbetur pa bërë.
“Ne garojmë në korsinë tonë, që është korsia e çdo shqiptari që mendon si ne, se kemi veç një Atdhe. Partia Drejtësi, Integrim dhe Unitet, falë edhe mbështetjes tuaj, do të jetë një parti me grup parlamentar dhe do të ndikojë në qeverisjen e vendit.
Këtë unë e shikoj në Kombinat dhe në gjithë Shqipërinë, por edhe tek një grup kandidatësh të jashtëzakonshëm. Sot palët do shkojnë në zgjedhje të qeta, por ju lutem, nuk duhet të shohim më vetëm politikën e vjetër.
Politikanët para jush duhet të vijnë të japin llogari. Ata që kanë qenë në pushtet kanë ardhur para 4 vjetësh dhe ju kanë kërkuar votën me një program dhe sot nuk shoh ndonjërin që të thotë se kemi realizuar 10 pika dhe na kanë ngelur edhe dy pika pa u realizuar. Gjithmonë kanë thënë gjera të tjera, e kanë bërë gjëra të tjera.”, u shpreh ndër të tjera Idrizi.
(XH.A/SHUPLAKA)
Discussion about this post