Incident ne Egje, shmanget konflikti. Ushtarët grekë kalojnë kufirin..

Dy ushtarë grekë janë kapur dje në territorin turk, teksa patrullonin në zonën e Kastanies në Evros.

Kjo ngjarje alarmante vjen pak ditë pas incidentit në detin Egje kur një anije turke përplasi një tjetër greke.

Media greke Zougla, e cila i referohet burimeve të ushtrisë greke, shkruan se kapja e ushtarëve cilësohet e qëllimshme, pasi zona ku janë kapur ushtarët është e pyllëzuar.

Sipas Zougla.gr, për ngjarje të tilla në një zonë ku kufiri mund të kalohet padashje, duhet ndërhyrja dhe negociatat e zyrtarëve në nivele të larta.

Zougla.gr shkruan ndër të tjera se rasti madje është trajtuar edhe në gazetat më me zë në Turqi si gazetat “Hurriyet” dhe “Milliyet” të cilat kishin në faqe kryesore titujt: “Dy ushtarë grekë u arrestuan në Evros”.

Bëhet e ditur se autoritetet turke kanë nisur procedurat për kthimin e ushtarëve në Greqi.