Pas incidentit midis gazetarit të Renaldo Salianji dhe truprojës së Prokurores së Përgjithshme Arta Marku ku ky i fundit e përplasi tek muri gazetarin që përpiqej të merrte një prononcim nga prokurorja, ka reaguar edhe Komunitetit i Gazetarëve.
Në një deklaratë publike thuhet se “truproja e Prokurores së Përgjithshme të Përkoshme Arta Marku, ka ushtruar dhunë fizike ndaj kolegut tonë Renaldo Salianji, gjate kohes qe ai kryente detyren e tij, brenda ambienteve të një institucioni, në një akt skandaloz”.
Duke sjellë edhe shembuj të tjerë të pengimit të gazetarëvë për të ushtruar detyrën e tyre, KG thekson se të gjitha këto akte, janë të jashtëligjshme por edhe të rënda, e të papranueshme.
“Sot gazetarët në vendin tonë janë duke u përballur me institucione e zyrtarë që nuk respektojnë, nuk njohin dhe injorojnë çdo ligj. Sot gazetarët janë të dhunuar, të penguar në ushtrimin e detyrë së tyre dhe trajtohen me arrogancë institucionale”, shkruhet në deklaratë.
DEKLARATE E KOMUNITETIT TE GAZETAREVE
Ditën e premte (12.04) rojet e sigurisë së Prokurores së Përgjithshme të Përkoshme Arta Marku, ushtruan dhunë fizike ndaj gazetarit Renaldo Salianji, gjate kohes qe po kryente detyrën e tij.
Pak ditë më parë, Kryetari i Bashkisë së Pukës kërcënoi me “varje” gazetarin e emisionit Investigativ “Fiks Fare”, teksa ky i fundit kryente detyrën. Forcat e policisë penguan gazetaren Dorjana Bezat teksa raportonte live për shembjen e banesave tek “Bregu i Lumit”.
Dhuna policore qëlloi mbi gazetarin Erion Skëndaj gjatë raportimin të protestës së opozitës.
Komuniteti i gazetarëve dënon keto akte të rënda dhe të papranueshme të ndodhura vetëm së fundmi me punonjësit e medias. Këto veprime cënojnë jo vetëm integritetin fizik të gazetarëve, por edhe lirinë e medias.
Sot, gazetarët në Shqipëri po perballen me sulme fizike nga zyrtarë dhe njërëz të pushtetit, sikundër edhe me arrogancën institucionale, që shkel rëndë misionin e medias.
Si reagim i fortë ndaj dhunës që kërcënon gazetarët, heshtjes së institucuoneve pëegjegjese për të dënuar këto akte,kemi vendosur që ditën e Dielë ora 16:00-17:00 para Prokurorisë së Përgjithshme të protestojmë .
Ne kërkojmë shkarkimin e menjëhershëm të Truprojës së Arta Markut dhe që Prokuroria e Përgjithshmë të kërkojë falje për aktin e kryer.
Ne kërkojë që zbatimin e ligjit për kryetarin e Bashkisë së Pukës.
Ne kërkojmë zbatimin e ligjit!
Ne kërkojmë të na lini të kryejmë detyrën!
Ne protestojmë për çdo akt që cënon lirinë e medias dhe gazetarit!
Lajmësi është i shenjtë!
(F.GJ/FAXWEB.AL)
Discussion about this post