Interi ka fituar mbrëmë derbin e Italisë ndaj Juventusit me rezultatin minimal 1-0. Goli i vetëm erdhi prej një gabimi në mbrojtjen bardhezi, pasi Gatti çoi topin në rrjetë duke i dhënë avantazhin Interit.
Ndeshja ishte e ekuilibruar, me lojtarët e Allegrit që bënë përpjekjet e tyre për të vënë baraspeshën por pa ia dalë. Nga ana tjetër, Inter kishte dhe një shans të artë për dyfishimin e rezultatit me Arnautoviç, por sulmuesi përballë portës gaboi.
Kjo fitore e çon skuadrën zikaltre +4 pikë nga Juventusi i vendit të dytë. Megjithatë, Inter ka dhe një ndeshje më pak dhe diferenca mund të thellohet. Fundjavën e ardhshme, të besuarit e Inzaghit do të udhëtojnë në kryeqytet ku do të përballen me Romën në Olimpico, ndërsa Juve do të pres në Torino Udinezen.
Discussion about this post