Presidenti i Komisionit Europian Jean-Claude Juncker njoftoi të enjten se blloku ka në plan të riaktivizojë një ligj që do të ndalojë kompanitë europiane të zbatojnë sanksionet e Shteteve të Bashkuara të Amerikës kundër Iranit.
“Si Komision Evropian ne kemi për detyrë të mbrojmë kompanitë evropiane. Tani duhet të veprojmë dhe për këtë arsye po fillojmë procesin e aktivizimit të statutit bllokues nga viti 1996”, ka thënë Jean-Claude Juncker.
“Ne gjithashtu kemi vendosur të lejojmë që Banka Evropiane e Investimeve të ndihmojë në investimet e kompanive evropiane në Iran. Komisioni do të vazhdojë bashkëpunimin me Iranin”, tha Juncker në një konferencë shtypi pas një takimi të liderëve të BE-së.
Masat e BE-se pasojnë vendimin e presidentit amerikan, Donald Trump në lidhje me marrëveshjen bërthamore me Iranin. (B.H/Faxweb)
