Autoritetet lokale serbe në veriun e Mitrovicës prej disa ditësh janë duke ngritur një mur në pjesën veriore të urës kryesore mbi lumin Ibër. Ata thonë se muri është pjesë e një projekti për ndërtimin e një shëtitoreje në këtë qytet.
Por për qeverinë e Kosovës ky është një mur ndarës për qytetin. Kjo e fundit ka reaguar me zemërim duke e cilësuar atë një veprim që bie ndesh me marrëveshjen për liri të lëvizjes në qytetin e ndarë në dy pjesë, në veriun me shumicë shqiptare dhe jugun me shumicë serbe.
“Jemi duke u konsultuar edhe me zyrtarët e Qeverisë në Prishtinë, dhe jemi duke shikuar se çfarë duhet të bëhet në ditët në vazhdim. Për momentin është arritur që punimet të ndalen, dhe jemi duke punuar ngushtë edhe me Bashkimin Evropian për ta zgjidhur këtë problem”, ka thënë Agim Bahtiri, kryetari i komunës së Mitrovicës.
Për këtë ngjarje nëpërmjet një Konference për shtyp ka reaguar edhe kryeministri i Kosovës Isa Mustafa. Mustafa ka deklaruar se muri në Ibër të Mitrovicës do të ndërtohet sipas akteve ligjore dhe po bisedohet edhe me Bashkimin Europian.
“Nuk do t’i tregojmë as muskujt, as gjoksin, sepse ato i tregon ligji. Ministrja për dialog është në kontakte me BE-në, që të shikojë nëse është në hamoni me marrëveshjen”, u shpreh kryeministri. Serbët po vijojnë punën për ndërtimin e këtij muri. “ Ne kemi kaluar rrugëve të Kosovës dhe jo të Serbisë dhe nuk jemi ndalur nga askush. Rrugës kemi marrë informacione se disa qytetarë kanë bllokuar rrugën dhe me vendim të organeve të sigurisë kemi shkuar në një rrugë tjetër dhe nuk jemi vonuar më shumë 10-15 minuta”, ka thënë ai. Mustafa ka thënë se ai është në dieni që situata në veri nuk është dhe aq e mirë.
Discussion about this post