Ish-legjenda e Milan i ka dhënë lamtumirën përfundimisht. Ylli brazilian, e mbylli ciklin duke u tërhequr zyrtarisht nga futbolli. Ai, i cili dominoi në futbollin botëror para se të fillonte dualizmi mes Ronaldos dhe Mesit, ka vendosur të varë këpucët në gozhdë për ta mbyllur karrierën me kaq.
Rikardo Kaka mbetet në pritje të fillimit të një karriere të re si drejtues klubi.
i ka dhënë lamtumirën futbollt të luajtur.
“Cikli im si futbollist profesionist përfundon këtu. Kisha nevojë për pak më shumë kohë për të menduar dhe të merrja një vendim në qetësi, pastaj u kërkova mendim disa njerëzve që më qëndrojnë shumë pranë si prindërit e mi, vëllai, të dashurës dhe gruas së vëllait.
Shkova në Europë për të ndjekur disa ndeshje, gëzimin e lojës aty ku futbolli ka arritur me të vërtetë potencialin e tij të plotë dhe në mënyrë të ndërgjegjshme arrita në konkluzionin që erdhi ora të mbyllja karrierën time si futbollist profesionist.
Tani përgatitem që të vazhdoj në botën e futbollit në një funksion tjetër, por nuk do të jetë më si një futbollist profesionist, do të më pëlqentë të punoja në nëj klub si menaxher, drejtues sportiv apo në ndonjë rol ndërlidhës mes fushës dhe drejtuesve. Është e vërtetë që Milani më ka bërë një propozim së fundmi, të shohim,”-tha futbollisti për televizionin “Globo”
Kaka mbylli kështu një karrierë brilante me një total prej 749 ndeshjesh të luajtura si profesionist dhe 238 gola të realizuar.
(F.M/Faxweb)
Discussion about this post